Sochı Olımpıadasy oıyndaryna bıletter satý bastaldy
ASTANA. 8 aqpan. QazAqparat. - 2014 jyly Sochıde ótetin Olımpıada oıyndarynyń saltanatty ashylýy men jabylýy saltanattaryna bılet satyla bastady.
Bul týraly reseılik «Jańalyqtar» agenttigi Olımpıada uıymdastyrý komıtetiniń baspasóz qyzmetine silteme jasap habarlaıdy.
Bıletterdi satý Oıyndardyń bastalýyna týra 1 jyl qalǵanda bastaldy, onyń ashylýy 2014 jylǵy 7 aqpanda ótedi.
Reseı azamattary men RF aýmaǵynda turatyn shetel azamattary bıletti Sochı-2014 resmı saıty arqyly satyp ala alady. Reseıde turmaıtyn sheteldikter bıletterdi ózderiniń elderiniń ulttyq olımpıada komıtetteri arqyly, sondaı-aq resmı bılet agentterinen ala alady.
7 aqpannan 31 mamyrǵa deıin satylatyn bıletterde oryn kórsetilmeıdi (satyp alýshy baǵa sanatyn ǵana tańdaıdy). 2013 jylǵy maýsymnan bastap buryn satyp alynǵan bıletterdiń bárine oryndar belgilenedi. Al maýsym aıynan keıin bıletterdi naqty orynǵa alýǵa bolady. Bir tapsyryspen 50-den aspaıtyn bılet alýǵa bolady. Birqatar sharalarǵa (hokkeı, mánerlep syrǵanaý jáne ashylý saltanaty) bir qolǵa tórtten artyq bılet berilmeıdi. Basqa jarystarǵa segizden artyq bılet satylmaıdy.
Bıletterdiń eń tómengi baǵasy - taýly klasterde 500 rýbl jáne jaǵalaýlyq klasterde - 1000 rýbl. Eń joǵary baǵa - 50 myń rýbl. Oıyndardyń ashylýy men jabylýy saltanattary bıletteriniń baǵasy 4500 rýblden bastalady. Jarysqa kirý úshin bıletten basqa jankúıerdiń tólqujaty bolýy tıis.
