Sochı Olımpıadaǵa 150 myń tekshe metr qar daıyndamaq
ASTANA. 25 qańtar. QazAqparat - Sochıdegi 2014 jylǵy Olımpıadaǵa ázirlikpen aınalysyp jatqan «Olımpstroı» memlekettik korporatsııasy jarystarǵa 150 myń tekshemetrden astam qar daıyndamaq.
Bul týraly kompanııanyń resmı saıty málim etti, dep habarlady reseılik «Jańalyqtar» agenttigi.
Olımpıadalyq shańǵy jarysy men bıatlonnan jarystar ótetin «Laýra» kesheni úshin 100 myń tekshemetr qar qory jasaqtaldy. Jınalǵan qar 2013 jyly 40-sanıtımetrlik aǵash úgindisi qabatymen jabylyp, saqtalady.
Qardyń qalǵan bóligi «Roza Hýtor» taý shańǵysy ortalyǵyna arnalǵan. 2012 jyldan beri onyń qasynda 20 myń tekshe metr qar jınalǵan, ol 2013 jyldyń qańtar-aqpan aılarynda ótetin testilik jarystarǵa arnalǵan. Degenmen, uııymdastyrýshylar jyl basynan beri túsken qar ortalyqtyń qabiletin synaqtan ótkizýge jetedi dep sanaıdy. Oıynnyń bastalýyna deıin «Roza Hýtor» janynda 70 myń tekshe metr qar jınalmaq.
«Olımpstroı» habarlamasyna qaraǵanda, Sochıde qysta ádette qar mol bolady. Degenmen, Olımpıada uıymdastyrýshylary sport federatsııalary men Halyqaralyq Olımpıada komıtetiniń talaptaryna sáıkes bolýy úshin qar qoryn jasaqtaýdy qolǵa aldy.
