Sochı mańynda qulaǵan Tý-154 ushaǵy apatynyń aldyn ala sebepteri aıtyldy
ASTANA. QazAqparat - Sochı aýmaǵynda apatqa ushyraǵan Reseı qorǵanys mınıstrligi ushaǵynyń barlyq júıesi sýǵa batpaı jatyp qalypty jumys jasaǵan. Bul týraly «Kommersant» apattyń sebebin tergeý komıssııasynyń aldyn ala tujyrymyna silteme jasap habarlaıdy.
Buryn, jarylys tehnıkasynyń saraptama qorytyndysy boıynsha, ushaqtyń bortyndaǵy lańkestiktiń bolýy nemese jerden atyp qulatýy sekildi nusqalar joqqa shyǵarylǵan edi. Osylaısha, ekıpajdyń qatesi degen nusqa qaldy, dep jazady basylym.
Lenta.rý habarlaǵandaı, qazirgi tańda Tý-154 ushý barysynda ushqyshtardyń áreketi tekserilýde. Apattyń ne sebepti oryn alǵandyǵy ázirge belgisiz. Bastapqy derekterdiń sapasyzdyǵy mamandardyń borttaǵy tótenshe jaǵdaıdyń barlyq sulbasyn kezeńimen qalpyna keltirýlerine múmkindik bermeýde.
Zertteý barysynda áskerıler azamattyq qurylymnan - Memleketaralyq avıatsııalyq komıtetten kómek suraýǵa májbúr boldy. Áýe qorǵanys kúshteriniń ortalyǵynda magnıtti taspaǵa jazatyn eski úlgidegi qurylǵymen jumys jasaıtyn qural da, maman da bolmaı shyqty. Osy sebepti jumysqa kidiris keltirilgen.
