Sochı-2014 Olımpıadasynyń medaldary tanystyryldy. FOTO
ASTANA. 30 mamyr. QazAqparat - Sochı-2014 uıymdastyrý komıteti kelesi jyly Reseıde ótetin Olımpıadalyq oıyndarda tapsyrylatyn júldelerdi tanystyrdy, dep habarlaıdy RBK.
Medaldardyń tusaýkeseri Sankt-Peterbýrgte Halyqaralyq olımpıada komıtetiniń atqarý komıteti jáne «SportAkkord» halyqaralyq konventsııasy otyrysynyń sheńberinde ótti.
Medaldarda dástúrli reseılik oıý-órnekter beınelengen. Medaldardyń jobasyn jas reseılik dızaınerler Sergeı Tsarkov, Aleksandr Fedorın, Pavel Nasedkın jáne Sergeı Efremov jasaǵan.
Barlyq medaldardyń quramy - metall jáne polıkarbonattyń qosyndysynan turady. Medaldardyń salmaǵy marapattyń qundylyǵyna baılanysty 460 gramnan bastap 531 gramǵa deıingi salmaqty quraıdy.
Paralımpıadalyq oıyndar úshin jasalǵan medaldardyń salmaǵy aýyrlaý bolatyny nazar aýdartady, dep atap ótti olımpıada chempıony, RF Memlekettik dýmasynyń depýtaty Svetlana Jýrova óziniń twitter-degi mıkroblogynda.
Paralımpıadalyq medaldar Olımpıada medaldary jasalǵan stıldi saqtaǵan. Paralımpıadalyq oıyndar júldesinde zaǵıp jandar oqý úshin qoldanylatyn Braıl shrıftimen jazylǵan jazýlar bar.
Sochıdaǵy oıyndarda 15 sport túrinen 98 júlde oınalady. Jeńimpazdardy marapattaý úshin shamamen 1300 medal ázirlenedi.
2014 oıyndarynyń altyn medali
2014 oıyndarynyń kúmis medali
2014 oıyndarynyń qola medali
2014 Paralımpıadalyq oıyndardyń altyn medali
2014 Paralımpıadalyq oıyndardyń kúmis medali
2014 Paralımpıadalyq oıyndardyń qola medali
