"Sochı-2014» Olımpıadasynda Qazaqstan quramasy kıip shyǵatyn kıim úlgisin jasaǵan dızaınerdiń esimi belgili boldy

Onyń jeńimpazy 952 daýys jınaǵan Atyraý qalasyndaǵy «Aıoko Bo» sán úıiniń jumysy. Ekinshi oryndy tek eki daýysqa qalyp qoıǵan tanymal «Zıbrý» kompanııasynyń kıim úlgileri jeńip aldy. Úshtikti taldyqorǵandyq Doý Gýan Chjoý Taıstiń jobasy tuıyqtady.

"Men áýelide bul baıqaýda jeńimpaz atanatynyma sengen joqpyn. Búgin ózimniń armanyma jettim. Endi men saılaýǵa túsetin prezıdenttikke úmitkerlerdiń qandaı kúıde bolatynyn túsindim", - deıdi «Aıoko Bo» sán úıiniń jetekshisi Aıjan Boqaeva.

Eske sala keteıik, Qazaqstannyń ulttyq quramasynyń 2014 jyly Reseıdiń Sochı qalasynda ótetin XXII Qysqy Olımpıada oıyndaryna kıetin kıim úlgileri boıynsha ashyq baıqaý jarııalanǵan bolatyn.

Baıqaý barysynda Qazaqstannyń túkpir-túkpirinen 19 joba kelip tústi. Túrkistan, Almaty, Atyraý, Astana, Qostanaı, Oral, Qaraǵandy jáne Jambyl oblystarynan jobalar keldi. Sonymen qatar baıqaýǵa qatysýǵa nıet bildirgenderdiń ishinde AQSh-tyń Los-Anjeles jáne Qytaıdyń Beıjiń qalasynda turatyn úmitkerler de boldy. Olar - sol jaqta oqyp jatqan qazaqstandyq stýdentter. Baıqaýdyń birinshi kezeńi boıynsha úsh jumys iriktelip alyndy. Birinshisi - Beıjińde oqyp júrgen taldyqorǵandyq Doý Gýan Chjoý Taıstiń jobasy, ekinshisi - Atyraý qalasyndaǵy «Aıoko Bo» sán úıiniń jumysy, al úshinshisi - tanymal «Zıbrý» kompanııasynyń kıim úlgileri. Bul jumystar www.sport.gov.kz saıtyna shyǵaryldy. Úsh kún ishinde qazaqstandyqtar olardy baǵalap, daýys berdi. Sonyń qorytyndysy boıynsha búgin jeńimpaz anyqtaldy.

Jeńimpaz XXII Qysqy Olımpıada oıyndarynyń joldamasyna ıe bolsa, 2-3-shi oryn alǵandarǵa olımpıadalyq kıim-keshek jıyntyǵy tabystalady.