Sochı-2014 Olımpıadasy jeńimpazdaryna 250 myń dollar kóleminde syıaqy beriledi - E. Qanaǵatov
ASTANA. 11 mamyr. QazAqparat - Qazaqstannyń Ulttyq olımpıada quramasyn Sochıde ótetin qysqy oıyndarǵa daıyndyq boıynsha is-sharalar ótkizý úshin 1 mlrd-tan astam teńge qajet, dep habarlady Sport jáne dene shynyqtyrý isteri jónindegi agenttik tóraǵasynyń orynbasary Elsııar Qanaǵatov Primeminister.kz saıtyna bergen eksklıýzıvti suhbatynda.
«Taıaý arada respýblıkalyq bıýdjettik komıssııasynda (RBK) Sochıdegi Olımpıadaǵa komandany daıyndaý úshin qajetti 1 mlrd teńge somaǵa ótinim qaralady», - dedi E.Qanaǵatov.
Olımpıada quramasyn daıyndaýǵa aǵymdaǵy shyǵyndar máselesine qatysty «qazir shyǵyndardy esepteý óte qıyn. Bul jerde keshendik tásil qajet. Bizde ulttyq komandalar shtaty dırektsııasynyń qarajaty bólinýde, «Samuryq-Qazyna» qorynyń bas demeýshisinen biz 472 mln teńge aldyq, jergilikti deńgeıde ákimdikter sportshylardy qoldaıdy jáne olarǵa jaǵdaı jasaıdy».
Sonymen qatar, vedomstvo basshysynyń orynbasary sportshylardy júldeli oryndar úshin syıaqy buryńǵydaı bolyp qalatynyn habarlady.
«Syıaqy mólsherlerin burynǵydaı qaldyrýdy usyndyq, ol London, Vankýver Olımpıadalarynda - 1 orynǵa 250 myń dollar, 150 myń dollar - ekinshi orynǵa jáne úshinshi jáne altynshy orynǵa deıin - 75 myń dollar boldy. Osy qoldaý buryńǵy deńgeıde qalady degen úmittemin», - dep qortyndylady Elsııar Qanaǵatov.
Qazirgi ýaqytta Qazaqstannyń Ulttyq olımpıada quramasy Sochı-2014 Olımpıadasyna qatysý úshin sporttyń 6 túri boıynsha 22 lıtsenzııa jeńip aldy.
Sport jáne dene shynyqtyrý isteri jónindegi agenttiktiń boljamyna sáıkes Qazaqstan jyldyń sońyna deıin sporttyń 10 túri boıynsha 40-tan astam lıtsenzııa jeńip alady.
Sochı qalasyndaǵy (Reseı) XXVII Qysqy Olımpıada oıyndary 2014 jyldyń 7-nen 23-shi aqpanǵa deıin ótetini málim. Jarys barysynda 15 sport túri boıynsha 98 medal jıyntyǵy oınatylady. Lıtsenzııalyq jarys 2014 jyldyń qańtaryna deıin jalǵasady.
