Sobıanın Máskeý meri bolyp beısenbi kúni bekitiledi
ASTANA. Qazannyń 18-i. QazAqparat - Máskeý qalalyq dýmasy qalanyń jańa meriniń kandıdatýrasyn qazannyń 21-i, beısenbi kúni bolatyn jasyryn daýys berý kezinde bekitedi. Bul týraly «RIA «Novostı» agenttigi habarlap otyr.
Qazannyń 15-inde Reseı Prezıdenti Dmıtrıı Medvedev Máskeý meriniń ókilettigin berý týraly máseleni qaraý úshin RF Vıtse-premeri - Úkimet apparatynyń jetekshisi Sergeı Sobıanınniń kandıdatýrasyn Máskeý qalalyq dýmasynyń qaraýyna usynǵan bolatyn. Máskeý qalalyq dýmasy prezıdent usynǵan kandıdatýrany kezekten tys májilis barysynda qaramaq.
Buqaralyq aqparat quraldary men saıasattanýshylar S.Sobıanınniń Máskeý basshysy qyzmetine eń yqtımal kandıdat ekenin buǵan deıin aıtqan bolatyn. Esterińizge sala keteıik, RF Prezıdenti Dmıtrıı Medvedev qyrkúıektiń 28-indegi Jarlyǵymen Máskeý meri ıÝrıı Lýjkovty «Reseı Federatsııasy Prezıdentiniń seniminen aırylýyna baılanysty» qyzmetinen bosatqan edi.
