Sobolenko US Open fınalynan keıin Rybakına týraly pikir bildirdi
ASTANA. KAZINFORM — Arına Sobolenko US Open-2026 fınalyndaǵy jeńilisten keıin Elena Rybakınamen básekelestigi týraly pikir bildirdi, dep habarlaıdy Kazinform tilshisi Sports.kz saıtyna silteme jasap.
— Bizdiń básekelestigimiz óte jaqsy. Osy maýsymda birneshe jarqyn match ótkizdik, onyń ishinde fınaldar da bar. Onyń oıyny keremet. Ol kort ishine kirip, óziniń qýatty soqqylarymen qarsylasyn qysymǵa ala alady. Ony óte qaýipti qarsylas etetin qasıetteri kóp, — dedi Sobolenko fınaldyq kezdesýden keıingi baspasóz máslıhatynda.
Eske salaıyq, qazaqstandyq tennısshi «Úlken dýlyǵa» sanatyndaǵy tórt týrnırdiń birindegi sheshýshi matchta jeńiske jetip, AQSh ashyq chempıonatynyń chempıony atandy. Bul Rybakına úshin mansabyndaǵy tarıhı jetistik boldy.
Buǵan deıin Rybakına US Open jartylaı fınalyna shyqqannan keıin álemdik WTA reıtınginde birinshi orynǵa shyǵatynyn merziminen buryn qamtamasyz etken edi. Fınal nátıjesi onyń reıtıngtegi kóshbasshylyǵyna áser etpedi.
WTA reıtınginiń resmı jańartylǵan nusqasy 14 qyrkúıekte jarııalanady.
Buǵan deıin Memleket basshysy Qasym-Jomart Toqaev Elena Rybakınany AQSh ashyq chempıonatyndaǵy jeńisimen quttyqtaǵan bolatyn.
Sondaı-aq qazaqstandyq tennısshi US Open-2026 týrnırinde jeńiske jetkennen keıin aldaǵy maqsaty týraly aıtty.
