SO2 shyǵaryndylarynyń 70 paıyzy memlekettik kásiporyndardyń enshisinde bolyp otyr
ASTANA. 11 maýsym. QazAqparat - SO2 shyǵaryndylarynyń 70 paıyzy memlekettik kásiporyndardyń enshisinde.
Bul týraly búgin QR Úkimetiniń selektorlyq rejimdegi otyrysynda bıylǵy jyldyń basynda iske qosylǵan parnıktik gazdar shyǵaryndylaryna kvotalardy satýdyń Ulttyq júıesiniń aralyq nátıjeleri jaıynda baıandaǵan QR Qorshaǵan ortany qorǵaý mınıstri Nurlan Qapparov málim etti.
«Júıeniń ótken 5 aıdaǵy qyzmeti barysynda biz sheshimin tabýdy qajet etetin birqatar máselege tap boldyq. Bul - qoldanystaǵy zańnama aqaýlary. Birqatar Úkimet qaýlylary men mınıstrlik buıryqtary pysyqtaýdy, túzetýler engizýdi, túsinikter berýdi talap etedi»,- dedi ol.
Ulttyq josparda belgilengen SO2 shyǵaryndylarynyń 70 paıyzy memlekettik, ıaǵnı «Samuryq-Qazyna» kásiporyndarynyń enshisinde ekendigin atap ótken N.Qapparov: «Biz memlekettik jaýapkershilik aıasynda korporatıvtik tájirıbeniń eń úzdik standarttaryn kórsetip, jeke sektorǵa úlgi bolýymyz kerek. Osy jumysty bıyl bastap, 2014 jyly aıaqtaý qajet», - dedi.
Onyń paıymynsha, aıtylǵan máselelerdi teorııalyq negizde boljamdaý óte kúrdeli. Cap&Trade ishki júıesin qurýdyń álemde minsiz úlgileri joq, árqaısysynda óz kemshilikteri bar. «TMD keńistiginde biz osyndaı júıeni birinshi bolyp endirip otyrmyz, ony tek tájirıbelik qoldaný barysynda ǵana jetildirýimiz múmkin», - dedi ol.
