Snýp Dogg Olımpıada chempıony Mıhaıl Shaıdorovty quttyqtady
MILAN. KAZINFORM — Amerıkalyq tanymal reper Snýp Dogg mánerlep syrǵanaýdan qazaqstandyq Olımpıada chempıony Mıhaıl Shaıdorovty quttyqtap, birge sýretke tústi.
Qazaqstan Ulttyq Olımpıada komıtetiniń resmı Instagram paraqshasynda jarııalanǵan vıdeoda, tanymal reper men Mıhaıl Shaıdorov Mılan qalasyndaǵy Piazza del Duomo ortalyq alańynda kezdeskeni belgili boldy.
Snýp Dogg qazaqstandyq Olımpıada chempıonyn jeńisimen quttyqtap, birge fotoǵa tústi.
Aıta keteıik, Snýp Dogg NBC Universal arnasynyń XXV qysqy Olımpıada oıyndarynyń arnaıy kommentatory retinde qyzmet etedi. Sonymen qatar, reper Mılan qalasynda Olımpıada alaýy estafetasyna qatysty.
Amerıkalyq reper kerlıngten AQSh jáne Kanada arasyndaǵy jarysqa arnaıy qonaq bolyp baryp, muz aıdynynda sportshylarmen birge Olımpıada oıynyna qatysty.
Sondaı-aq, Snýp Dogg basqa da jarystarǵa baryp AQSh quramasyna qoldaý kórsetip, qysqy sport túrlerin keńinen nasıhattap júr.
Eske salaıyq, Mıhaıl Shaıdorov 14 aqpan kúni erler arasynda mánerlep syrǵanaýdan jekeleı synda top jaryp, el qorjynyna araǵa 32 jyl salyp qysqy Olımpıada oıyndarynyń kezekti altyn júldesin syılady.