Snoýden japondyqtardy jappaı ańdý týraly eskertti
ASTANA. QazAqparat - Ulttyq qaýipsizdik agenttiginiń (UQA) burynǵy qyzmetkeri Edvard Snoýden Japonııa turǵyndaryn osy eldegi árbir turǵynnyń AQSh úkimetiniń bastamasy boıynsha ańdý nysany bolǵany jóninde eskertti.
Japan Times gazetiniń elektrondyq nusqasynyń senbi kúni keshke taratqan habarlamasyna sáıkes, ol Tokıoda qaýipsizdik máselelerine arnalǵan sımpozıým kezinde beınebaılanys boıynsha sóz sóıledi, dep jazady TASS.
«Árbir adamnyń qaltasyndaǵy árbir uıaly telefon, ol qosylyp turǵanda, «Men mundamyn, men mundamyn» dep án aıtyp turady», - dep jazady onyń sózderin jergilikti BAQ.
Japondyq qoǵamnyń aldynda turǵan qaýipsizdik týraly aıta kele, Snoýden 2014 jyly kúshine engen memlekettik qupııa týraly zańdy atap ótti. Onyń pikirinshe, ol «demokratııa úshin qaýipti» bolyp tabylady.
«Memleket shekten asyp ketken jaǵdaıda tekseris júrgizýge múmkindik beretin júıe qajet», - dep qosyp ótti ol.
