Snoýden Reseıden saıası baspana surady
ASTANA. 17 shilde. QazAqparat - Edvard Snoýden resmı túrde Reseıden saıası baspana surady. Arnaıy barlaý qyzmetteriniń qupııasyn áshkere etken burynǵy agent Reseı ókimetine osyndaı tilek joldady, dep RBK-ǵa advokat Anatolıı Kýcherena habarlady.
Bul ótinishin ol Sheremetevo áýejaıynda quqyq qorǵaýshylarmen ótken kezdesý kezinde aıtqan. Ol AQSh-tyń barlaý qyzmetin áshkereleıtin málimetterdi jarııalaýdy toqtatý týraly Reseı bılik ókilderiniń talabyn qabyldaýǵa ázir ekendigin málimdedi.
Taıaýda Reseı Prezıdenti Vladımır Pýtın E.Snoýdenge baspana berý máselesi áli sońyna deıin sheshilmegenin aıtqan bolatyn. Memleket basshysynyń sózine qaraǵanda, arnaıy qyzmetterdi áshkereleýshi únemi óz pozıtsııasyn ózgertip otyrady.
Ortalyq barlaý basqarmasynyń (TsRÝ) burynǵy agenti E.Snoýden AQSh-tyń arnaıy qyzmeti AQSh azamattarynyń ınternettegi áreketteri men uıaly telefon arqyly sóılesken sózderin baqylap otyrǵanyn tilshilerge jaıyp salǵan. Sodan beri amerıkalyq bılik ókilderi onyń sońyna túsip júr.
