Snoýden Reseıde bolý merzimin uzartýdy surady
ASTANA. QazAqparat - AQSh ulttyq qaýipsizdik agenttiginiń burynǵy qyzmetkeri Edvard Snoýden Reseıdiń federaldyq kóshi-qon qyzmetine osy eldiń aýmaǵynda bolý merzimin uzartý ótinimin jasady. Bul týraly onyń qorǵaýshysy Anatolıı Kýcherena málim etti, dep jazady sheteldik BAQ.
Qorǵaýshy Snoýden qandaı mártebemen Reseı aýmaǵynda bolýyna ruqsat surap otyrǵandyǵyn naqtylamady. Bıylǵy 31 shildede onyń osy eldi ýaqytsha panalaý merzimi aıaqtalady.
Esterińizge sala keteıik, 2013 jyldyń shilde aıynda Snoýden amerıkalyq arnaıy qyzmetterdiń búkil álem boıynsha ınternet ańdý júrgizip júrgenin baspasóz quraldaryna jaıyp salǵan bolatyn. Shildeniń 23-i juldyzynda ol Máskeýge ushyp keldi. Ótken jyldyń jazynda ol Reseıden ýaqytsha pana tapty.
