Snoýden Máskeý mańyndaǵy bosqyndar ortalyǵyna jiberilýi múmkin
ASTANA. 30 shilde. QazAqparat - Reseıdiń mıgratsııalyq qyzmeti AQSh arnaıy qyzmetiniń burynǵy agenti Edvard Snoýdenniń ýaqytsha saıası baspana suraǵan ótinishi qanaǵattandyrylsa,
Máskeý mańyndaǵy bosqyndar ortalyǵyna ornalastyrylýy múmkin ekenin habarlady, dep jazady «Azattyq».
Federaldyq mıgratsııa qyzmeti Máskeý fılıalynyń basshysy Olga Kırıllovanyń aıtýynsha, Máskeýdiń ózinde yńǵaıly bosqyndar lageri joq.
Eske sala ketsek, ótken aıda Edvard Snoýden AQSh arnaıy qyzmetiniń túrli elderdegi azamattardyń ınternettegi jáne telefondaǵy baılanystaryn jasyryn tyńdaıtyn qupııa baǵdarlamasyn jurtshylyqqa jarııa etken bolatyn. Baǵdarlama halyqaralyq deńgeıde daý týdyryp, AQSh-tyń odaqtastary da oǵan narazylyqtaryn bildirgen edi.
Ol 23 maýsymda Gonkongten Máskeýge ushyp kelip, sodan beri Sheremetevo áýejaıynda turyp jatyr.
