Snoýden: Avstralııa Indonezııa Prezıdentine tyńshylyq jasady
ASTANA. 19 qarasha. QazAqparat - Ortalyq barlaý basqarmasynyń burynǵy qyzmetkeri Edvard Snoýden jańadan jarııalaǵan qujattar toptamasyna qaraǵanda, avstralııalyq barlaý qyzmeti Indonezııa Prezıdenti Sýsılo Bambanga ıÝdoıono men onyń zaıybynyń telefon áńgimelerine tyńshylyq jasady degen málimetter keltirilgen. Bul týraly Bı-bı-sı habarlady.
Buǵan qosa olar bul eldiń vıtse-prezıdentine de tyńshylyq jasaǵandyǵy aıtylýda. Djakarta óz kezeginde Kanberrany Snoýdennen kelip túsken aqparat boıynsha basylǵan maqalalarǵa shuǵyl túsinikteme berýge shaqyrdy. Avstralııalyq premer-mınıstr Tonı Ebbott el úkimeti qaýipsizdik máselelerine eshqashan da túsinikteme bermeıtindigin málimdedi. Snoýden qupııa qujattardy BAQ-qa tapsyrǵannan keıin, Reseıge kelip toqtady. Oǵan 2014 jyldyń shildesine deıin ýaqytsha baspana berildi.
