Snoýden AQSh-qa qaıta oralǵysy keletinin málimdedi
ASTANA. QazAqparat - Burynǵy amerıkalyq arnaıy qyzmet qyzmetkeri Edvard Snoýden AQSh-qa qaıta oralǵysy keletinin málimdedi, alaıda qaı jerde bolǵanyna qaramastan, óz qyzmetin jalǵastyrýǵa nıetti.
Bul týraly UQA tyńshylyq júıesiniń ókili Brýklın mýzykalyq akademııasynda vıdeokonferentsııa barysynda málimdedi, dep habarlady RIA Novostı.
«Maǵan jáne osy máselede, sonymen birge bizdiń eldiń máselesinde ne bolyp jatqany mańyzdy emes, men bárine kóndiktim», - dedi vıdeobaılanys boıynsha VAM festıvalinde qatysqan ol. Snoýden saparynyń basynda «esh jaqsylyq kútpegenin» moıyndady. «Men esh ýaqytta Reseıdi tańdamas edim, óz elime qaıtqym keledi», - dedi ol.
Alaıda Snoýden ruqsattan bas tartqan jaǵdaıda, jumysyn tıimdi jalǵastyra beretinin málimdedi. 2014 jyldyń aqpanynan bastap ol «Baspasóz bostandyǵy» qorynyń dırektorlar quramyna kirgen.
Budan buryn respýblıkalyq partııadan AQSh prezıdenttigine úmitker mıllıarder Donald Tramp Snoýden tyńshy, ol sot úshin AQSh-qa qaıtýy tıis, «eger Reseı el retinde bizge qurmetpen qarasa, ony elge qaıtarýy tıis» degen bolatyn.
Snoýden 2013 jylǵy maýsymda Washington Post jáne Guardian gazetterine AQSh jáne Ulybrıtanııa arnaıy qyzmetteriniń tyńshylyq baǵdarlamalary týraly birqatar qupııa materıaldaryn bergen. Ol Gonkongke, odan Máskeýge (biraz ýaqyt máskeýlik áýejaıdyń tranzıttik aımaǵynda bolǵan), Sheremetevo áýejaıyna kelgennen keıin amerıkalyq bılik onyń tólqujatynyń kúshin joıdy, bul onyń RF aýmaǵynan ketýine zańdy kedergige aınaldy.
Keıinnen Reseı Snoýdenge AQSh-qa qarsy óz qyzmetin toqtatý jaǵdaıymen bir jyl merzimge ýaqytsha baspana berdi. 2014 jylǵy birinshi tamyzda oǵan úsh jylǵa turýǵa ruqsat berdi, onymen ol Reseı boıynsha ǵana emes, odan tys jerlerge de shyǵa alatyn boldy.
