Snoýbordshy qyz sońynan qýyp kele jatqan aıýdy baıqamaǵan (VIDEO)
ASTANA. QazAqparat - Japonııalyq Hakýba 47 kýrortynda demalǵan snoýbordshy Kellı Merfı taýdan túskende aıýdyń qurbany bola jazdady, dep habarlady Rosbalt.
Merfı aıtqandaı, taýdan túsip kele jatqanda qulaqqappen Rıannanyń ánin tyńdap, ózi de daýystap oryndap, sońyna túsken jyrtqyshty baıqamaı qalǵan. Qyz túsirilgen rolıkti qaraǵanda ǵana sońynan aıýdyń qorbańdap qýyp kele jatqanyn kórgen.
«Túsirilgen vıdeony qarap jatqanda aıýdyń qýǵanyn kórdim. Bul keshe Japonııada „Hakýba 47" kýrortynda boldy! Abaı bolyńyzdar!» - dep jazdy Merfı.
