SNN: Irandaǵy zaýytta joıqyn jarylys boldy

ASTANA. KAZINFORM — Irannyń Shıraz qalasynda suıytylǵan gaz quıý zaýytynda jarylys boldy. Bul týraly SNN telearnasy habarlady.

Telearna málimetine súıensek, kásiporynda shyqqan órt saldarynan gaz ballondary da jarylǵan. Alaıda tilsiz jaýdy kóp uzamaı órt sóndirýshiler oqshaýlaǵan.

Oqys oqıǵa saldarynan toǵyz adam zardap shekkeni habarlandy. Olardyń ekeýi aýrýhanaǵa jetkizilgen.

Qazir mamandar órttiń shyǵý sebepterin anyqtap jatyr.

Aıta keteıik, Mysyrdaǵy Nil ózeninde 200 týrıst mingen keme órtengenin jazǵanbyz. 

Al Túrkııada qonaq úıdegi órt isi boıynsha 11 adam ómir boıyna bas bostandyǵynan aıyryldy.