Snejanna Imasheva Quryltaıdyń úılestirýshi organyna qatysty túsinik berdi
ASTANA. KAZINFORM – Quryltaıdyń Bıýrosy uıymdastyrýshylyq máselelerdi sheshedi. Bul týraly búgin elordada Quryltaı Reglamentin qabyldaý kezinde depýtat Snejanna Imasheva málim etti.
- Quryltaıdyń jumys organdary – turaqty komıtetter men komıssııalar. Komıtetter zań jobalaý jumysyn júrgizý jáne Quryltaıdyń qaraýyna jatatyn máselelerdi ázirleý úshin qurylady. Quryltaıdyń úılestirýshi organy – Bıýro. Ony Quryltaı Tóraǵasy basqarady. Bıýro quramyna Tóraǵanyń orynbasarlary, turaqty komıtetterdiń tóraǵalary jáne saıası partııalar fraktsııalarynyń jetekshileri kiredi, - dedi S. Imasheva Quryltaıdyń jalpy otyrysynda.
Osy oraıda ol Bıýro uıymdastyrýshylyq máselelerdi sheshetinin, ıaǵnı zań jobalary boıynsha bas komıtetterdi aıqyndaıtynyn, kún tártibiniń jobalaryn qalyptastyratynyn, jumys organdarynyń qyzmetin úılestiretinin, tyńdaýlar men Úkimet saǵattaryn ótkizý týraly sheshimder qabyldaıtynyn atap ótti.
- Bıýro Quryltaı jumysynyń barlyq baǵyttarynyń uıymdyq turǵydan ózara úılesimdiligin qamtamasyz etýge tıis, - dedi depýtat.
Budan buryn habarlanǵandaı, Quryltaı otyrystary ótetin apta kúnderi bekitildi.
