Snejana Kashkarova aýyr atletıkadan Qazaqstan chempıony atandy
ASTANA. KAZINFORM — Taldyqorǵan qalasynda aýyr atletıkadan ekinshi jarys kúni máresine jetti, dep habarlaıdy Sportty damytý dırektsııasynyń baspasóz qyzmeti.
Tústen keıin áıelder arasynda 58 kelide júldeler jıyntyǵy sarapqa salynyp, 15 jastaǵy Snejana Kashkarova serpe men qossaıysta rekordty jańartyp, aıqyn basymdylyqpen jeńiske jetti.
58 keli
Snejana Kashkarova (Jetisý obl) — 203 keli (88+115)
Sofııa Zotkına (Jetisý obl) — 177 keli (78+99)
Nursezim Abatqyzy (Ulytaý obl) — 174 keli (76+98)
Ótken jyly ǵana Snejana Astanada ótken el chempıonatynda 48 kelide baq synap, qossaıysta 151 kelimen top jarǵan edi.
— Qazaqstan chempıonatynyń rekordyn buzýǵa áýeliden daıyndalǵan edim. Sebebi, 2 jyl boıy osy maqsatqa umtylyp keldim. Shynymdy aıtsam, jattyǵýda budan tómen kelini kótergen edim. Búgin ózim oılaǵannan joǵary salmaq baǵyndy. Alda josparym kóp, — dedi Snejana Kashkarova.
2025 jylǵy Qazaqstan chempıonatynyń kórsetkishi:
Ásemaı Shýkýrbaeva (Almaty obl) — 172 keli (77+95)
Nursezim Abatqyzy (Ulytaý obl) — 169 keli (73+96)
Elena Şýklına (Aqmola obl) — 162 keli (71+91)
Aıta keteıik, 12-18 mamyr aralyǵynda jalǵasatyn Qazaqstan chempıonatyna 16 óńirden 164 sportshy synǵa túsip jatyr.
Buǵan deıin Álisher Turǵanbaı aýyr atletıkadan Qazaqstan rekordyn jańartqanyn jazǵanbyz.
