Snejana Kashkarova aýyr atletıkadan Azııa chempıony atandy

ASTANA. KAZINFORM - Astanada ótip jatqan aýyr atletıkadan jasóspirimder, jastar jáne qyzdar arasyndaǵy Azııa chempıonatynda Qazaqstan quramasy alǵashqy medalin jeńip aldy.

48 kelige deıingi salmaq dárejesinde (A toby) synǵa túsken Snejana Kashkarova julqa kóterýde 69 kelini baǵyndyryp, qola júldege ıe boldy. Al serpe kóterýde ol 82 kelini eńserdi.

Aıta keteıik, chempıonat 4-10 shilde aralyǵynda Qazaqstan sport kesheninde ótedi.

Qurlyqtyq dodaǵa Ózbekstan, Qytaı, Úndistan, Vetnam, Taıland, Ońtústik Koreıa, Kýveıt jáne Azııanyń ózge de 25 memleketinen 300-den astam sportshy keldi.

Al Qazaqstan quramasy jarysty uıymdastyrýshy el retinde tolyq qurammen júlde úshin baq synaıdy. Olardyń arasynda 2024 jylǵy Dohadaǵy (Qatar) Azııa chempıonatynyń jáne jaqynda ótken álem birinshiliginiń júldegerleri de jarys jolyna shyǵady.

Júldeler U17 jáne U20 jas sanattary boıynsha sarapqa salynady.

Jarys Halyqaralyq aýyr atletıka federatsııasynyń (IWF) erejelerine sáıkes ótedi. Dúbirli dodada 17-20 jas aralyǵyndaǵy sportshylar julqa kóterý, serpe kóterý jáne qossaıys boıynsha synǵa túsedi.