Smolenskidegi saıajaı ıesi kórshilerin dalaǵa jaqqan ot tútini úshin atyp óltirdi
ASTANA. 11 mamyr. QazAqparat - Smolensk oblysynda Martynovo aýylyndaǵy baq teliminde 54 jastaǵy erkek pen onyń anasynyń denesi tabylǵan. Bul týraly RBK-ǵa RF Tergeý komıtetinen habarlady.
Tergeýshiler aldyn ala qylmystyń turmys jaǵdaılary sebebinen jasalǵanyn anyqtady. Saıajaı ıeleri óz kórshisiniń qurbany boldy. Atap aıtqanda, 25 jastaǵy Roman Ermakov, kórshi jigitti anasymen birge atyp óltirgen. Olardyń denelerinen kóptegen oq izderi tabyldy.
Resmı emes aqparat boıynsha, kúdikti onyń telimine kórshiler jaqtan kelgen tútinge narazy bolǵan. Oǵan izdeý jarııalandy.
Atalǵan fakti boıynsha RF TK Smolensk oblysy boıynsha tergeý organdary RF Qylmystyq kodeksi 2-bólimi 105-babymen (eki nemese odan kóp adamdardy óltirý) qarastyrylǵan qylmys belgileri boıynsha qylmystyq is qozǵady.
