Smetov pen Serikjanov olımpıadalyq reıtıngte úzdik bestikke endi
ASTANA. QazAqparat - Halyqaralyq dzıýdo federatsııasy jyl sońynda olımpıadalyq reıtıngti jańartty. Qazaqstandyq balýandar Olımpıada qarsańynda upaı jınaýdy odan ári jalǵastyrmaq, dep jazady Olympic.kz.
Otandyq dzıýdoshylar arasynan reıtıngte joǵary orynda turǵan eki sportshy bar. Olar - Eldos Smetov (60 keli) pen Erlan Serikjanov (66 keli).
Smetov óz salmaǵyndaǵy olımpıadalyq reıtıngte 5-shi orynda tur. 66 kelidegi Erlan Serikjanov ta úzdik bestikke engen.
Ǵusman Qyrǵyzbaev (60 keli) 11-shi, Eldos Jumaqanov (66 keli) 15-shi, Jansaı Smaǵulov (73 keli) 11-shi, Dıdar Hamza (81 keli) 10-shy, Islam Bozbaev (90 keli) 10-shy, Erasyl Qajybaev (+100 keli) 23-shi orynda.
Eske sala keteıik, Halyqaralyq dzıýdo federatsııasy bekitken ereje boıynsha, Olımpıada oıyndaryna óz salmaǵynda úzdik 18 sportshynyń qataryna engen dzıýdoshylar ǵana qatysa alady.
