Smaıylovqa emes, parlamenttik kópshilik partııaǵa senim arttyq - Perýashev

ASTANA. QazAqparat – «Aq jol» partııasynyń tóraǵasy Azat Perýashev nelikten Álıhan Smaıylovtyń kandıdatýrasyn qoldaǵandyqtaryn aıtty, dep habarlaıdy QazAqparat tilshisi.

«AMANAT partııasy Premer-Mınıstr laýazymyna kandıdatyn usyndy. Biz bul jerde Smaıylov Álıhan Ashanulyna emes, parlamenttik kópshilik partııaǵa senim kórsettik. Ary qaraı nátıjeler ne kemshilikter bolsa, onda jaýapkershilikti Smaıylovtan emes parlamenttik kópshilik partııadan suraımyz. Qoǵamymyz, saılaýshylarymyz da qandaı da bir nátıje bolmasa, onda osy partııadan kóredi», - dedi BAQ ókilderiniń saýalyna jaýap bergen «Aq jol» partııasynyń tóraǵasy Azat Perýashev.