Smaıylov jazataıym oqıǵalardan mindetti saqtandyrý júıesin reformalaýdy usyndy
«Zııandy eńbek jaǵdaılarynda jumys isteıtin adamdardy áleýmettik qamsyzdandyrý máseleleri. Eń aldymen, qyzmetkerlerdi jazataıym oqıǵalardan mindetti saqtandyrý júıesin reformalaý qajet. Búginde saqtandyrý kompanııalarymyz zardap shekkenderge tek saqtandyrý tólemderin jasaıdy. Degenmen, álemdik tájirıbede jazataıym oqıǵalardy saqtandyrý ótemaqydan basqa, aldyn alý jáne ońaltý qyzmetterin de qamtıdy», - dedi Úkimet basshysy búgin Eńbek jáne halyqty áleýmettik qorǵaý mınıstrliginiń keńeıtilgen alqa májilisinde.
Premer-Mınıstr qarjy ınstıtýttaryn jumyspen qamtylǵandardy áleýmettik saqtandyrý jáne zeınetaqymen qamtamasyz etý júıesine tartý jumystarynyń mardymsyz júrgiziletinine de nazar aýdartty.
«Jalaqynyń resmı deńgeıi jáne zeınetaqy men áleýmettik aýdarymdar ustalatyn tabys deńgeıi arasyndaǵy aıyrmashylyq salyq organdarynan da, jergilikti atqarýshy organdardan da taldaýdy ári baqylaýdy talap etedi. Eńbek mınıstrligi ýákiletti memlekettik organdarmen jáne qarjy ınstıtýttarymen birge naqty usynystar ázirlep, engizýi qajet», - dedi Álıhan Smaıylov.
