Smaıylov sheteldik týrısten 800 dollar alǵan taksıst týraly: Eldiń ımıdjine nuqsan keltiredi

ASTANA. QazAqparat – Qazaqstan 2029 jylǵa qaraı Saıahat pen týrızmdi damytýdyń jahandyq ındeksi reıtınginde 50-orynnan tómen bolmaýǵa tıis. Premer-mınıstr Álıhan Smaıylov Úkimet otyrsynda osyndaı tapsyrma berdi, dep habarlaıdy QazAqparat tilshisi.

«Qazaqstandyq taksı júrgizýshisi sheteldik qonaqtardy áýejaıdan qonaqúıge deıin 800 dollarǵa jetkizip salǵan jaǵdaı báriniń esinde.

Qonaqúıler men jalpy týrlardyń, sondaı-aq ishki bıletterdiń joǵary baǵalaryna, týrısterge qyzmet kórsetý ýaqytyna qatysty shaǵymdar bar. Mundaı keleńsiz jaıttar eldiń ımıdjine nuqsan keltiredi», - dedi Úkimet basshysy.

Sondaı-aq, tıisti vedomstvonyń aldyndaǵy mindetti atady.

«Qazaqstan 2029 jylǵa qaraı Saıahat pen týrızmdi damytýdyń jahandyq ındeksi reıtınginde 50-orynnan tómen bolmaýy tıis. Aldymyzǵa osyndaı maqsat qoıýymyz kerek», - dedi Premer-mınıstr.