Smaıylov: Negizgi basymdyq – ishki naryqty, kásiporyndardy gazdandyrý

NUR-SULTAN. QazAqparat – Negizgi basymdyq – ishki naryqty, kásiporyndardy gazdandyrý. Bul týraly Úkimet otyrysynda QR Premer-Mınıstri Álıhan Smaıylov aıtty dep habarlaıdy QazAqparat tilshisi.

«Prezıdent energetıkalyq daǵdarysty boldyrmaýdyń negizgi mindeti retinde taýarlyq jáne suıytylǵan gaz óndirisin ulǵaıtý qajettigin aıqyndady. Negizgi basymdyq – ishki naryqty, kásiporyndardy gazdandyrý. Sondyqtan resýrstyq bazany ulǵaıtý máselesi óte ózekti bolmaq», - dedi Úkimet basshysy.

Premer-Mınıstrdiń atap ótýinshe, ol úshin ınvestorlarǵa qajetti ekonomıkalyq yntalandyrýlar kózdelýi tıis.

«Memleket basshysy munaı-gaz jobalary úshin Jaqsartylǵan modeldik kelisimshart pen Arnaıy ınvestıtsııalyq kelisimdi ázirleý arqyly osyndaı yntalandyrýlardy engizýdi tapsyrǵan bolatyn. Sondyqtan Energetıka mınıstrligine Ulttyq ekonomıka, Qarjy jáne Ádilet mınıstrlikterimen birlesip, bir aı merzimde Úkimetke zańnamalyq túzetýlerdiń tıisti paketin engizýdi tapsyramyn», - dedi Álıhan Smaıylov.