Smaıylov maskúnemderdi májbúrlep emdeýge jiberý rásimin jeńildetýdi tapsyrdy
«Aqparat mınıstrligi turmystyq zorlyq-zombylyqqa tózbeý jáne otbasylyq qundylyqtardy dáripteý boıynsha aqparattyq naýqan júrgizýi qajet. Oqý-aǵartý mınıstrligi balalardyń boıyna otbasyna qurmet jáne úıdegi tártip erejelerin sińirý úshin «mektep saǵatyn» oılastyrsyn», - dedi Úkimet basshysy.
Premer-Mınıstr óńir ákimdikteri turmystyq zorlyq-zombylyq qurbandaryna arnalǵan daǵdarys jáne ýaqytsha beıimdeý ortalyqtaryn, májbúrlep emdeýge arnalǵan narkologııalyq mekemeler jelisin keńeıtý sharalaryn qabyldaýy tıistigin basa aıtty.
«Eńbek mınıstrligi múddeli memlekettik organdarmen birlesip, shyn máninde memlekettiń kómegine muqtaj, turmysy nashar otbasylardy medıtsınalyq-áleýmettik esepke alýdyń úlgilik qaǵıdalaryn ázirlesin. Ákimdiktermen birge táýekel tobyndaǵy otbasylardy anyqtap, olarmen arnaıy profılaktıkalyq jumys júrgizý úshin Otbasynyń tsıfrlyq kartasynyń derekterin taldaý qajet», - dedi Álıhan Smaıylov.
Úkimet basshysy Densaýlyq saqtaý mınıstrligine ákimdiktermen birlesip, májbúrlep emdeýge jiberý rásimderin jeńildetýdi tapsyrdy.
Halyqaralyq tájirıbeni eskere otyryp, quqyq buzýshylarǵa psıhologııalyq terapııa sharalaryn qoldaný boıynsha usynystar ázirleý kerektigin eskertti.
«Іshki ister mınıstrligi turmystyq zorlyq-zombylyq úshin jaýapkershilikti qatańdatý boıynsha zańnamalyq túzetýler ázirleý aıasynda halyq arasynda túsindirý jumysyn júrgizsin», - dedi Premer-Mınıstr.
Foto: primeminister.kz
