Smaıylov Kazakhstan Machinery Fair 2023 mashına jasaý jáne metall óńdeý kórmesine qatysty
Úkimet basshysynyń nazaryna aýyl sharýashylyǵynyń, júk jáne arnaıy tehnıkalardyń, metall óńdeýge arnalǵan stanoktar men qurylǵylardyń, dánekerleý jabdyqtarynyń jáne ilespe materıaldardyń, baılanys quraldarynyń, optıkalyq aspaptardyń sońǵy úlgileri, sondaı-aq robototehnıkanyń, ónerkásiptik 3D basyp shyǵarýdyń, óndiristi avtomattandyrýdyń, ınjınırıngtiń elementteri usynyldy. Bıylǵy kórmege 200-ge jýyq otandyq jáne sheteldik kompanııa qatysýda.
Sonymen qatar Álıhan Smaıylovqa Qazaqstanda Hyundai Staria úlgisinde shyǵarylǵan medıtsınalyq jedel járdem kóligi tanystyryldy. Ol qýatty qozǵaltqyshpen jáne álemdegi jetekshi óndirýshilerdiń zamanaýı jabdyqtarymen qamtylǵan. Salony keń bolǵanymen, kólik halyq tyǵyz ornalasqan aýdandar men tar aýlalarda erkin qozǵala alady.
Kórmege «Qostanaı traktor zaýyty» JShS Kırovets K-742 traktory, Lovol jáne Deutz Fahr traktorlary, sondaı-aq «Agromashholdıng KZ» AQ Essil kombaındary, «SemAZ» JShS Jinma traktory jáne basqa da aýyl sharýashylyǵy tehnıkasynyń ártúrli úlgileri qoıyldy.
Premer-Mınıstr otandyq mashına jasaý salasyn odan ári damytý úshin Úkimet tıisti qoldaý sharalaryn jalǵastyratynyn basa aıtty. Atap aıtqanda, jańa tehnoparkter qurýǵa, qarjylandyrýdyń qoljetimdiligin keńeıtýge, jergilikti qamtýdy arttyrýdy yntalandyrýǵa jáne kooperatsııalyq baılanystardy nyǵaıtýǵa, kásipkerlikti qoldaýdyń basqa da qajetti sharalaryn qabyldaýǵa basymdyq beriletin bolady.
