Smartfonnyń tútindeı bastaýynan AQSh-ta ushaq evakýatsııalandy
ASTANA. QazAqparat - Southwest Airlines áýe kompanııasynyń bortynda Samsung Galaxy Note 7 smartfony tútindep, 75 jolaýshy men ekıpaj músheleri qaýipsiz jerge kóshirildi, dep habarlaıdy QazAqparat newsru.com.saıtyna silteme jasap.
Oqıǵa sársenbi kúni, 5 qazanda bolǵan. Jolaýshylardyń biri óziniń Samsung fırmasynyń smartfonynan tútin shyǵyp jatqanyn habarlady. Osydan keıin borttaǵy 75 jolaýshy men ekıpaj músheleri kóshirildi. Órt qaýipsizdigi qyzmetkeriniń aıtýynsha, oqıǵadan zardap shekkender joq. Tútindegen smartfon qulaǵan ushaqtyń kilemine azdaǵan zaqym kelgen.
Indıanalyq Sara Grın The Courier-Journal of Louisville jýrnalyna ushaq kúıeýine tıesili Galaxy Note 7 telefony úshin evakýatsııalanǵanyn habarlady.
