Smartfonmen qalaı jańalyq jazýǵa bolady - brıtandyq jýrnalıst

ALMATY. QazAqparat - Brıtan jýrnalısi ıÝsýf Omar Eýrazııalyq medıaforým barysynda mobıldi jýrnalıstıka týraly tájirıbesimen bólisti, dep habarlaıdy QazAqparat tilshisi.

«#Hashtag our stories» kompanııasynyń negizin qalaýshy, brıtan jýrnalısi ıÝsýf Omar zamanaýı jýrnalıstıkanyń tehnologııalary týraly aıtty.

ıÝsýf Omar Snapchat arqyly Úndistandaǵy zorlyq-zombylyq qurbandarynyń máselesin kótergen bolatyn.

Onyń shaǵyn mátinmen jazylǵan vıdeolary aqparat áleminde jańa lep ákelgen bolatyn.

«Áleýmettik jeli arqyly joǵary sapaly ınternettiń kómegimen jyldam montaj jasap, sapaly aqparat jazýǵa bolady. Las-Vegastaǵy atysty jýrnalıster emes, oqıǵany kózimen kórgender áleýmettik jeli arqyly taratty. Mobıldi jarnalıstıka qazirgi zamannyń jýrnalıstıkasyndaǵy jańa lep desek bolady», - dedi ıÝsýf Omar.

Jańalyqty montajdaý úshin asa kóp ýaqyt qajet emes.

Sheberlik sabaqtaryn birneshe ret sýretke túsirip alyp, sosyn shaǵyn ǵana vıdeo túsirip, montajdap jelige salý kerek.

«Kez kelgen jerde, kez kelgen ýaqytta telefon arqyly oqıǵa ornynan reportaj taratý kerek. Ol úshin shtatıv nemese kamera kerek emes. Máselen, qazir men sizderdiń aldyńyzda tursam, meniń kózildirigim osynda bolyp jatqan dúnıeniń barlyǵyn túsirip jatyr», - dedi ol.

Brıtandyq maman Qazaqstandaǵy mobıldi jýrnalıstıka deńgeıin ortasha dep baǵalady.

«Qazir sheberlik saǵatyn 2-3 jýrnalıst qana áleýmettik jelige jarııalady. Mene ıntervıý alǵan tilshilerdiń eshqaısysy reportaj jasamady», - dedi ıÝ. Omar.

Aıta ketý kerek, Almatyda Eýrazııalyq medıaforýmy osymen 15 ret ótkizilip otyr.