Smartfonǵa Anydesk baǵdarlamasyn júktemeńizder - Almaty polıtsııasy
Qalalyq polıtsııa departmentiniń málimetinshe, sońǵy ýaqytta Almaty qalasynyń aýmaǵynda ınternet pen áleýmettik jeliler arqyly jasalatyn alaıaqtyq faktileri jıilep ketti.
Sonymen qatar, qaskóıler ártúrli qylmystyq tizbekter boıynsha áreket etedi, ádette, áleýmettik jelilerdi, «Vatsapp», «Telegram» messendjerlerin jáne turaqty telefon baılanysyn paıdalanady.
«Tájirıbe kórsetkendeı, kez kelgen adam alaıaqtardyń qurbany bolýy múmkin. Ásirese, egde jastaǵylar jıi aldanyp qalady. Aıta ketý kerek, mundaı qylmystardy tergegen kezde tergeý organdary Qazaqstan Respýblıkasynan tysqary jerlerge aqsha aýdarý sııaqty máselelerge tap bolady, qaskóıler bir rettik uıaly telefondar men abonenttik nómirlerdi paıdalanady, al mundaı qylmystardy ashý úshin orasan zor kúsh salýdy talap etedi. Tájirıbede jıi kezdesetin mysaldardy keltireıik», - dedi, Almaly aýdandyq polıtsııa basqarmasynyń bastyǵy Esen Ysqaqov.
Birinshiden, alaıaq ózin banktiń qaýipsizdik qyzmetkeri retinde jalǵan atpen áleýetti jábirlenýshiniń uıaly telefonyna qońyraý shalyp, sol arqyly senimge ıe bolýǵa tyrysady.
Ádette, sóıleý máneri óte sypaıy. Sodan keıin ol jańa ǵana belgisiz bireýler tólem kartasyn ruqsatsyz buzyp, odan aqshany sheship almaq bolǵanyn nemese kúdikti árekettiń anyqtalyp, bireýdiń nesıe almaq bolyp jatqanyn habarlaıdy.
Sosyn nusqaýlardy oryndaýdy jáne SMS kodty habarlaýdy talap etedi.
Kórsetilgen SMS sandar túrindegi kodtar arqyly jábirlenýshiniń kartasynan basqa kartalarǵa aqsha aýdarady.
Tájirıbe kórsetkendeı, aqsha kóbine Reseı Federatsııasyna nemese kórshi elderge aýdarylady.
Ekinshiden, olar ózderiniń qylmystyq áreketterin jasaý úshin jeke paıdalanýǵa arnalǵan tegin baǵdarlama - ANYDESK baǵdarlamasyn paıdalandy.
Degenmen, baǵdarlama qazirgi ýaqytta qylmystyq maqsattarda jıi paıdalanylady, atap aıtqanda, kez kelgen syltaýmen alaıaq uıaly telefonǵa mobıldi qosymshany ornatýǵa májbúrleıdi.
Sodan keıin telefonǵa tolyq qol jetkize otyryp, olar ózderiniń alaıaqtyq áreketterin jasaıdy ( qarajatty sheship alý, nesıe rásimdeý jáne t.b.).
Úshinshiden, ınternet-alaıaqtyqtyń taǵy bir keń taraǵan túri «OLX», «Kolesa.kz», «Instagram» jáne basqa saıttarda ornalastyrylǵan taýarlardy satý jáne qyzmetterdi kórsetý týraly jarnamaǵa baılanysty.
«Mysaly, bul saıttarda taýardy, avtokóliktiń qosalqy bólshekterin satý nemese qyzmet kórsetý týraly habarlandyrýlar ornalastyrylǵan. Sonymen qatar, alıaqtar ónim nemese qyzmet úshin tolyq tólemdi nemese onyń bir bóligin talap etedi. Kartaǵa qarajatty alǵannan keıin baılanysqa shyqpaıdy. Onyń ústine qylmyskerler áleýetti qurbandy alaıaqtyq nıeti bar dep aıyptaı otyryp, óz derekterin (jeke kýáliktiń sýretin, tólem kartasynyń sýretin) jiberýdi jıi suraıdy»,-deıdi polıtsııa ókili.
Tórtinshiden, Qazaqstan Respýblıkasynyń aýmaǵynda, sonyń ishinde Almaty qalasynda «Onlaın Nesıe» sııaqty qyzmet kórsetetin shaǵyn nesıe uıymdarynyń ártúrli túrleri bar.
Nesıe alý úshin uıymnyń saıty shaǵyn nesıe alǵysy keletin tulǵanyń jeke kýáliginiń sýretin qosa otyryp, jeke jáne baptaý derekteri toltyrylady.
Eger sizdiń jeke kýáligińizdiń sýreti bolsa, muny da alaıaqtar ońaı paıdalana alady.
Bolashaqta aqshany qaıtarý merzimi aıaqtalǵannan keıin kollektorlyq qyzmetter sizdi izdeı bastaıdy.
Osyǵan baılanysty polıtsııa turǵyndarǵa birneshe keńes usyndy:
- Eshbir jaǵdaıda uıaly telefonyńyzǵa bank jibergen SMS kod, sondaı-aq, CVV kodyn (kartanyń artqy jaǵyndaǵy 3 tańbaly kod), telefon arqyly profılińiz ben baptaý derekterińizdi eshkimge aıtpańyz.
- Eshbir jaǵdaıda Anydesk baǵdarlamasyn júktep almańyz, óıtkeni siz alaıaqtarǵa uıaly telefonyńyzǵa ruqsat beresiz.
- Taýardy satyp alý nemese qyzmetterdi alý kezinde qajetsiz táýekelge barmańyz, satýshyny jáne ónimniń ózin kórýge tyrysyńyz jáne onyń qaýipsiz ekenine kóz jetkizgennen keıin ǵana tólem jasańyz.
- Eshbir jaǵdaıda tólem kartalary men jeke basyn kýálandyratyn qujattardyń sýretterin jibermeńiz.
- Banktik qyzmetterge qatysty suraqtar boıynsha nómirleri jalpyǵa qoljetimdi, onyń ishinde resmı saıttarda jarııalanǵan bankterdiń CALL-ortalyqtaryna tikeleı habarlasyńyz.
- Otbasyńyz ben dostaryńyzǵa ınternet alaıaqtarynyń qurbany bolý qaýpi týraly eskertińiz.
- Osyǵan uqsas jaǵdaılarǵa tap bolsańyz, «102» pýltine nemese jaqyn jerdegi polıtsııa bólimine habarlasyńyz.
