Smartfondy kúrte jeńindegi sensorly ekranmen basqarýǵa bolady

ASTANA. QazAqparat - Levi's markaly djıns kıimderin shyǵarýmen tanylǵan amerıkandyq Levi Strauss & Co kompanııasy Google-men birigip jeńi sensorly kúrte shyǵarady.

Djınsı kúrteniń jeńine toq ótkizetin jipterden sensorlyq jabdyqtar engiziledi. Bul tusta saýsaqpen basqandy jaqsy sezetin bederli torsha bolady. Ony sezý arqyly aqparatty qabyldaıtyn Bluetooth modýli jáne alynatyn qoraptaǵy qýat kózi batareıasy bar chıp ornatylady. Osylaısha, paıdalanýshy smartfonnyń keı fýnktsııalaryn - qońyraýǵa jaýap berý, medıapleerdi nemese navıgatordy basqarý úshin jeńniń betki jaǵyn paıdalana alady.

2016 jyldyń kúzinde Levi Strauss & Co kýrtkany beta-synaýdan ótkizbek. Al mundaı «aqyldy» kúrtelerdi satylymǵa 2017 jyldyń kókteminde shyǵarý josparlanyp otyr.