Smartfondar alystan kórmeýshilikke ákep soǵady
ASTANA. 20 tamyz. QazAqparat - Adamdardyń ómirin jeńildetý úshin jasalǵan smartfondar, belgili bolǵandaı, kózge keri áser etedi eken. Qarapaıym uıaly telefondaryn smartfondarǵa aýystyrýy sebebinen mıllıondaǵan adamdardyń kózderiniń alystan kórmeýine ákeledi.
Buryn uıaly telefondardy qoldanýdyń eki maqsaty ǵana boldy - qońyraý shalý jáne habarlama jiberý. Kishkentaı ekranǵa adamdar kúnine 2-3 mınýt qana qarady. Al smartfondar ınternetti kereginshe paıdalanyp, uzaq hattar jazyp, fılmder men sýretter kórýge múmkindik berdi. Nátıjesinde adam smartfonnyń ekranyna saǵattap qarap otyra beredi.
Oftalmolog professor Devıd Allabamı 1997 jyldan bastap alǵashy smartfondar saýdaǵa túse bastaǵanda, kózderi alystan kórmeıtin naýqastardyń sany 35 paıyzǵa artqandyǵyn atap ótti.
Ǵalymnyń esepteýi boıynsha, aldaǵy on jylda bul kórsetkish 50 paıyzǵa artady. Al 2033 jylǵa qaraı jer sharynyń 30 jasqa deıingi aralyqtaǵy jartysy alystan kórmeıtindeı jaǵdaıǵa jetedi.
