Smartfon ustaýǵa qatysty tyıymdy buzǵan qyzmetkerlerge qandaı jaza qoldanylatynyn aıtý qıyn - D. Nazarbaeva

ASTANA. QazAqparat - Memlekettik qupııaǵa jáne qyzmettik aqparattarǵa ruqsaty bar barlyq memlekettik qyzmetkerler smartfon ustaýǵa qatysty tyıymǵa jatqyzylady.

Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde Jańǵyrtý jónindegi Ulttyq komıssııanyń baspasóz máslıhatynda QR Premer-Mınıstriniń orynbasary Darıǵa Nazarbaeva málim etti.
«Menińshe, eshkim bul tyıymnan tys qala almaıdy. Memlekettik qupııa jáne qyzmettik aqparattarmen jumys isteıtin barlyq memlekettik qyzmetkerlerge smartfon ustaýǵa tyıym salynady. Oǵan baǵynbaǵan qyzmetkerlerge qandaı jaza bolatynyn aıtý qıyn. Іshki tártip degen bar, menińshe ony barlyǵy túsinedi», - dep atap ótti D. Nazarbaeva.