Smartfon qýatyn 30 sekýnd ishinde toltyrýǵa bolady
ASTANA. QazAqparat - Tel-Avıvte ótken Microsoft Think Next Conference konferentsııasynda smartfondardy 30 sekýnd ishinde qýattaıtyn akkýmýlıator tanystyryldy.
Atalmysh batareıalardy Izraıldiń StoreDot kompanııasy jasap shyǵarǵan. Usynylǵan beınerolıkte smartfon 26 sekýnd ishinde qýat alǵanyn kórýge bolady.
Konferentsııada habarlanǵanyndaı, akkýmýlıator qazir tek synaq retinde qoldanylýda. Aldaǵy 3 jyldyń ishinde kompanııa onyń óndirisin jolǵa qoıýdy josparlaýda. Osy ýaqyt aralyǵynda jasaqtaýshylar batareıanyń kólemi men dızaınyn ózgertýdi kózdep otyr. Sebebi qazirgisi tym úlken ári aýyr. Sonymen qatar sýper-akkýmýlıatordyń baǵasyn belgileý maqsatynda marketıngtik zertteý júrgizilmek.
Búginniń ózinde onyń quny osy saladaǵy akkýmýlıatorlardan áldeqaıda joǵary bolatyndyǵy belgili bolyp otyr. Baǵasyna qoldanylǵan qymbat materıaldardyń quny áser etpek.
