Smartfon qoldanǵan jaıaý júrginshilerge aıyppul salynýy múmkin
ASTANA. QazAqparat - Nemistiń jaıaý júrginshiler qaýymdastyǵy júrý kezinde smartfon qoldanatyn adamdar úshin aıyppul júıesin engizýdi usyndy.
Qaýymdastyq ókilderiniń pikirinshe, atalǵan apparattardy qoldaný qaıǵyly oqıǵalar qaýpin ósiredi, dep habarlaıdy Euromag.
Jaıaý júrginshilerdiń Ulttyq qaýymdastyǵy (FUSS) kólikti basqarý kezinde telefonmen sóılesken júrgizýshilerge aıyppul salǵan soń kólikter kóp júretin jerlerde smartfonǵa qarap, qulaqqappen júrgen adamdarǵa qatysty hattamalar toltyrýdy usynǵan.
Júris kezinde mobıldik qurylǵylardy qoldaný adamnyń yqylas aýdarýyn tómendetedi, dep sendirýde Berlındegi qaýymdastyq. Budan basqa, FUSS ókilderi sońǵy ýaqytta smartfondardy júris kezinde qoldanatyn jaıaý júrginshilerdiń qatysýymen bolǵan jol apattary sanynyń ósýin kórsetip otyrǵan zertteýlerdiń málimetterin usynýda.
