Smart Turkistan mobıldi qosymshasy iske qosyldy

TÚRKІSTAN. QazAqparat - «Tsıfrlyq Qazaqstan» memlekettik baǵdarlamasy aıasynda «Smart City» tujyrymdamasy boıynsha «Smart Turkistan» mobıldi qosymshasy iske qosyldy, dep habarlaıdy QazAqparat oblys ákiminiń baspasóz qyzmetine silteme jasap.

Búgingi tańda memlekettik qyzmetterdi jyldam ári ońaı alý tsıfrlyq quraldar arqyly júzege asyrylýda.

«Osy oraıda «Smart Turkistan» mobıldi qosymshasy oblys turǵyndary men qonaqtaryna qoǵamdyq qaýipsizdik, kommýnaldyq qyzmetter, transport, týrızm, densaýlyq saqtaý, bilim berý, kásipkerlik salasy, jer qatynastary, taksı qyzmeti, memlekettik organdar basshylaryna vırtýaldy qabyldaýǵa tirkelý, turǵyn úı kezegi jáne taǵy basqa salalar boıynsha qyzmetterge, aqparattarǵa jyldam ári qolaıly qol jetkizýine múmkindik beredi» delingen habarlamada.

Budan bólek, elimizde kún tártibindegi birinshi máselege aınalǵan koronavırýc indeti týraly sońǵy jańalyqtar, aldyn alý sharalary, oblys ákimdigimen jarııalanǵan eskertpeler, habarlamalar osy mobıldik qosymsha ornatylǵan uıaly telefonǵa habarlama retinde kelip otyrady.

Qosymsha Android ári Apple Store júıelerinde qoljetimdi.

Tegter:

Ақпараттық технологиялар Интернет Түркістан облысы