«SMART Rýhanı jańǵyrý» mobıldi qosymshasy jasaldy
Jobany óńirlik kommýnıkatsııalar qyzmetinde ótken brıfınge Aqmola oblys ákiminiń orynbasary Aına Mysyrálimova jáne «ІT-Expert.Asia» jaýapkershiligi shekteýli seriktestiginiń dırektory Alekseı Nıkolaev jýrnalısterge tanystyrdy.
«Búgin tsıfrlyq tehnologııalar el ekonomıkasynda úlken rol atqarady. Bul - qoǵam aldyna qoıylǵan talap, qazirgi zaman sharty. Biz zamanaýı tehnologııalardy ıgersek qana eń damyǵan eldermen teń bola alamyz. Osy oraıda, Memleket basshysynyń «Bolashaqqa baǵdar: rýhanı jańǵyrý» atty baǵdarlamalyq maqalasy rýhanı serpiliske jol silteýshi baǵdar bolmaq», - dedi Aına Mysyrálimova baǵdarlama sheńberinde aımaqta atqarylyp jatqan jumystarǵa toqtala kele.
Oblys ákimi orynbasarynyń aıtýynsha, Elbasynyń bastamasymen qolǵa alynǵan «Tsıfrlyq Qazaqstan» baǵdarlamasy sheńberinde óńirde «Ashyq ákimdik», «Smart densaýlyq saqtaý», «Smart bilim berý», «Smart agro», «Smart kólik», «Smart TÚKSh», «Qaýipsiz qala», «Innovatsııalyq alań» sııaqty birqatar jobalar júzege asyrylýda. Endi, mine «Rýhanı jańǵyrý» baǵdaralamasy sheńberinde «SMART Rýhanı jańǵyrý» mobıldi qosymshasy jobasy ázirlenip otyr. Brıfıngte aıtylǵandaı, jobany oblystyq ishki saıasat basqarmasynyń memlekettik tapsyrysy sheńberinde «ІT-Expert.Asia» seriktestigi qolǵa alyp otyr.
Joba avtorynyń aıtýynsha, ony jasaý barysynda kartasy bar web-saıt, ınteraktıvti jol silteýshi, 360 gradýstyq beıne-rolık qoldanylyp, ol ınertaktıvti panelge ornalastyrylǵan. Bul ınternet-resýrsta mádenıet salasyndaǵy, metsenattyq, qaıyrymdylyq sharalary jáne Aqmola oblysynyń tanymal tulǵalary týraly aqparattar bar. Oǵan qosa, Aqmola oblysyndaǵy 44-ke jýyq kıeli oryndar engizilip otyr. Aldaǵy ýaqytta onyń sany 200-ge deıin jetkizilmek.
