Smart qalalar sanyn arttyrýdyń ekonomıkalyq tıimdiligi zor – Májilis depýtaty
Onda almatylyq jastar depýtatqa tsıfrlyq talǵamyn jetildirip, óndiristik qaýipsizdik, servıstik qyzmet túrleri, telemedıtsına salalary boıynsha óz ónimderin kórsetip, osy saladaǵy birqatar máselelerdi atady.
Jastardyń aıtýynsha, venchýrlyq qarjylandyrý men ınvestıtsııa tartý múmkindigi óte az. Búginde 90-95 paıyz IT maman ıeleri qoldaýdyń joqtyǵy saldarynan basqa kásippen aınalysýǵa májbúr. Al kásibin sátti jalǵastyryp kele jatqan ártúrli on startaptyń ókilderi aǵartýshylyq maqsatpen qaýymdastyqqa birigýde.
Depýtat atap ótkendeı, qazir aqparattyq tehnologııadan habary bar árbir qazaqstandyq kúnine keminde 100 mınýt ýaqytyn ınternetke jumsaıdy.
Sarapshylardyń esebinshe, smartfon ıeleriniń 60 paıyzy mobıldi ınternetti óte belsendi paıdalanady. Aqparattyq qosymshalardyń arqasynda adamdar kúndelikti turmysyn óz ýaqyty men yńǵaıyna ıkemdeýge áýes. Innovatsııalardyń kómegimen kúrdeli iskerlik operatsııalardy júzege asyrý úshin ýaqyt tyǵyzdyǵy, jer qashyqtyǵy degen uǵymdar kedergi bolýdan qalyp bara jatqany da ras.
«Tehnologııanyń damýy bizdiń de talap, talǵamdarymyzdy ózgerte bastady. Ásirese, turǵyndar men qalalyq keńistiktiń qarym-qatynasynan úlken jańashyldyq anyq seziledi. Telefonmen taksı shaqyrý, tamaqqa tapsyrys berý, san alýan tólemderdi jasaý, qujat alý, dárigerge jazylý sııaqty tolyp jatqan tyń jańalyqtardyń kýásimiz. Osylaısha, aqyldy - sandyq keńistikti (qala, aýyl) jedel qalyptastyrý memleketimiz úshin óte mańyzdy sharalardyń biri», – dedi Ǵazız Qulahmetov.
Depýtattyń pikirinshe, elimizde smart qalalar sanyn arttyrýdyń ekonomıkalyq tıimdiligi zor.
Búgin sonymen qatar Batys Qazaqstan oblysyna jumys sapary aıasynda Májilis depýtaty, «AMANAT» partııasynyń múshesi Jamalov Amanjan Oraldaǵy 25-shi Chapaı dıvızııasy kóshesindegi joldardyń jóndeý jumystarymen tanysty.
Nysannyń jumystary ótken jyldan beri júrgizilip jatqandyqtan, 90%-y daıyn.
Qazirgi tańda 25-shi Chapaı dıvızııasy kóshesinde tańba salý, jol belgilerin ornatý, jol boıyndaǵy aryqtardy qazý, jol sezderin jasaý jumystary júrgizilýde.
Óz kezegindeAmanjan Jamalov Oral qalasynyń ishki qalalyq jol jóndeý jumystarynyń qarqyndy júrgizilip jatqanyna nazar aýdardy.
«Saılaý aldyndaǵy naýqan kezinde jóndeýdi qajet etetin mektepter, aýrýhanalar retke keltirilip, qala kóshelerinde joldar salynady dep ýáde berildi. Óńirimizdegi jol qurylysy máseleleri de oblys turǵyndary úshin mańyzdy ekendigi belgili. Sondyqtan bul jumystarǵa erekshe den qoıylyp, sapasyna basa nazar aýdarýymyz qajet. Biz óńirlerge sapar barysynda saılaýaldy baǵdarlamanyń oryndalýyn qadaǵalaımyz», – dedi.
Sondaı-aq Jamalov Amanjan birneshe kún ishinde oblystyń birqatar aýdandaryna baryp, áleýmettik nysandardy, ınjenerlik kommýnıkatsııalardy jóndeý jáne qurylys jumystarymen tanysyp, turǵyndardyń tilekteri men ózekti máselelerin tyńdady. Turǵyndardyń usynys-pikirleri jergilikti jáne respýblıkalyq deńgeıdegi ýákiletti organdar aldynda kóteriletin bolady.
