Smart Astana úı karantıninde otyrǵandardy uıaly telefon arqyly baqylaıdy

NUR-SULTAN. QazAqparat - Nur-Sultan qalasy ákiminiń ákiminiń orynbasary Malıka Bekturova tsıfrlyq quraldar arqyly úı karantıninde otyrǵandardy baqylaý tásilderin aıtyp berdi, dep habarlaıdy QazAqparat.

«Biz «Smart Astana» mobıldi qosymshasyn tańdadyq. Bul qosymsha úı karantınindegi adamdardyń geolokatsııasyn anyqtaýǵa, geografııalyq ornynyń ózgergenin baqylaýǵa múmkindik beredi. Ol úshin qoldanýshy «Men karantındemin» degen fýnktsııany qosý kerek. Tipti qoldanýshy, uıaly telefonyn qaldyryp, alysqa uzap shyǵyp ketse de, qosymsha dabyl qaǵyp, sıtýatsııalyq ortalyqqa habar beredi», - dedi ákim orynbasary onlaın brıfıngte.

Onyń aıtýynsha, bul joba álemniń 15-ke jýyq elderinde tabysty júzege asyrylǵan jáne Qazaqstanda da testileýden ótti.

«Biz ákimdikpen birlese jumys istedik jáne koronavırýs ınfektsııasyn juqtyrǵandarmen baılanysta bolǵan adamdardy baqylaýdy kúsheıttik. Bul qosymsha arqyly tur,yndardyń bas sanıtar talabyn ustanǵanyn bile alamyz. Ózge elderdiń tájirıbesin zerttegende, Ońtústik Koreıa, Sıngapýrdyń monıtorıng arqyly vırýsty taratpaı ustap turǵanyn anyqtadyq. Osyndaı jolmen ǵana koronavırýs ınfektsııasynyń taraýyna jol bermeımiz. Dúnıejúzilik densaýlyq saqtaý uıymy aıtqandaı, eń tıimdi emdeý joly - oqshaýlaný», - dedi QR Densaýlyq saqtaý vıtse-mınıstri Oljas Ábishev.

Qosymsha maquldanǵan soń, karantındegi turǵyndardyń barlyǵyna júkteý mindetteledi.

QR Prezıdentiniń keńesshisi Baǵdat Mýsınniń aıtýynsha, IT jobany otandyq mamandar ázirlegen jáne ondaǵy jeke derekter tolyq qorǵaýǵa alynǵan.