«Smart-Astana» qosymshasyn jetildirý máseleleri talqylandy
Birinshi kóterilgen másele kósheni jaryqtandyrýǵa qatysty boldy. Jyl basynan IKomek ortalyǵyna kóshedegi jaryqtyń joqtyǵyna baılanysty 121 shaǵym tústi, onyń 88-ne qarjy bólingen boıda tıisti jumys júrgiziledi - dep jaýap berilgen.
«Tutastaı alǵanda, búgingi tańda kóshe shamdarynyń jaı-kúıi qanaǵattanarlyqsyz jaǵdaıda. Tek kólik basqarmasynyń qyzmetkerleri aralaǵan nysandardaǵy 12 365 shamnyń 1 976-y janbaıdy.«Esil» aýdany ákimine aıtylǵan olqylyqtardy tez arada joıýdy tapsyramyn», - dedi B. Sultanov.
Ekinshi kezekte qala ákiminiń orynbasary Malıka Bekturovanyń «Smart Astana» qosymshasyndaǵy jańa servıster týraly baıandamasy tyńdaldy.
«Ótken aptada «Smart Astana» qosymshasyna onlaın rejımde salyqtar boıynsha boryshtardy tekserýge múmkindik beretin QR Qarjy mınıstrliginiń Oren ap servısi engizildi. Onyń kómegimen, sondaı-aq, salyq boıynsha bereshekti osy jyldyń 1 sáýirine deıin tóleýge bolady. Taǵy da bir servıs elordalyq mektepterdegi jáne komıýnıtı-ortalyqtardaǵy sektsııalar men úıirmelerge jazylýǵa múmkindik beredi. Servıste qaladaǵy sektsııalar men úıirmelerdiń tolyq tizimi men olardyń jumys isteý kestesi usynylǵan», - dedi M. Bekturova.
Sonymen qatar, ótken aptada kómekke asa muqtaj otbasylardyń biryńǵaı derekter bazasy, Telegram messendjerinde kópbalaly analarǵa arnalǵan chat-bot quryldy. «Munda olar arnaıy saýalnamany toltyrady, sondaı-aq memlekettik qoldaý sharalary týraly, jumysqa ornalasý máseleleri týraly nemese qysqa merzimdi kýrstar týraly tolyq aqparatty ala alady. Atalmysh baza bizge kópbalaly otbasylardyń jaǵdaıy týraly tolyq aqparatty bilýge múmkindik beredi.
Qazirgi kezde saýalnamany shamamen 1000 adam toltyrǵan», - dedi ol. Qala bıýdjetiniń oryndalýy jáne memlekettik satyp alý jospary týraly ákimniń orynbasary Asqar Amrın baıandama jasady.
Elordadaǵy krımınogendik jaǵdaı jáne quqyqtyq tártipti qamtamasyz etý jóninde qabyldanǵan sharalar týraly qalalyq polıtsııa departamentiniń bastyǵy Marat Qojaev aıtyp berdi.