Smaǵul Sádýaqasovtyń máıitiniń kúli elge ákelinip, musylman ǵurpymen jerlenbek

Bul týraly Lev Gýmılev atyndaǵy Eýrazııa ulttyq ýnıversıtetiniń baspasóz qyzmetinen habarlady.

«Alashtyń ardaqty azamaty S.Sadýaqasulynyń órtengen súıeginiń kúli osydan 77 jyl buryn Más­keýdegi "Don zıraty" ("Donskoe kladbışe") bas ǵımaratynyń qabyrǵasyna arnaıy ydysqa salynǵan kúıinde qoıylyp, osy kúnge deıin musylmansha jerlenbegen», - delingen aqparatta.

Osy oraıda jáne S.Sádýaqasovtyń týǵanyna 110 jyl jáne dúnıeden ozǵanyna 77 tolýyna oraı L.Gýmılev atyndaǵy EUÝ-da «Memlekettik qaıratker Smaǵul Sádýaqasov jáne qazaqstandyq patrıottyq: ulttyq ıdeıa jáne jýapkershilik» taqyrybynda respýblıkalyq ǵylymı-praktıkalyq konferentsııa ótedi.

Sharany uıymdastyrýshylar EUÝ, «Alash» mádenıet jáne rýhanı damý ınstıtýty, Qazaqstan tarıhshylar qaýymdastyǵy. Oǵan QR Parlamentiniń Senaty men Májilisiniń depýtattary, belgili ǵalymdar Ǵarıfolla Esim, Mámbet Qoıgeldıev, Dıqan Qamzabekuly, Talas Omarbekov, Tursyn Jurtbaı, Álıhan Smaıyl, Bekbolat Tileýhan, Kamal Burhanov jáne taǵy basqalar qatysyp, óz oılaryn ortaǵa salmaq.

S.Sadýaqasuly denesiniń jat jerde jatqan kúlin, bi­rinshiden - musylman ǵurpymen jer­leý, ekinshiden - Otanyna jet­kizý máselesi eń alǵash, 2010 jyldyń sońynda kóterildi. Bul qa­zaq tarıhynda buryn-sońdy bol­maǵan oqıǵa. ıAǵnı súıek qaıta jerlenýi múmkin, al krematsııadan (arnaıy órtelgennen sońǵy úderis) keıingi súıektiń kúlin elge ákelý ne­mese dástúrli dinı rásimmen jer­leý fak­tisi kezdesken emes. Sondyqtan da bul asa mańyzdy oqıǵaǵa ǵalymdar «Asa jaýapty, memlekettik mańyzdy shara» degen baǵa berip otyr. Osy istiń basynda júrgen mamandar Smaǵul Sadýa­qa­s­uly súıeginiń kúlin jerleıtin eki orynnyń birin tańdaýdy laıyqty kórip otyr. Onyń biri - Kene­sa­ry sarbazdary men 30-jyldardyń ash­tyq qurbandary jerlengen «Jas­tar» shaǵynaýdany janyndaǵy mu­sylman qorymy. Ekinshisi - biraz jurt «Qabanbaı batyr zıraty» dep júrgen qaladan 20 shaqyrym jer­degi beıit-tóbeniń mańaıy.

20 jasynda - ult jastarynyń kósh­basshysy, 25 jasynda bilim men mádenıetti úılestirgen Aǵartý mı­nıst­ri bolǵan S.Sadýaqasulynyń atqarǵan qyz­meti men tyndyrǵan isi qazaq qaıratkerliginiń etalony ispetti. Ol qazaq jastarynyń tuńǵysh uıy­my «Birlik» (1916-1918) pen «Jas azamatta» (1918-1919), Aqmola oblystyq Alashorda komıtetinde (1917-1920), Sibir tóńkeris komı­te­tinde (1920), Keńestik Kúnshyǵys ult­tary jastarynyń ortalyq bıý­rosynda (1920), Qazaq avtono­mııa­lyq respýblıkasynyń Jastar oda­ǵynda (1920), Qazaq OAK tóral­qa­synda (1920-1921), Búkilreseılik OAK-inde (1920-1921), Semeı gýbernelik tóńkeris komıtetinde (1921), Qazaq OAK Túrkistan avto­no­mııalyq respýblıkasy ókildiginde (1921), Qazaq avtonomııalyq res­pýb­lıkasy Josparlaý komıssııa­synda (1923-1924), Halyq aǵartý komıssarıatynda (1925-1927), Qazaq pedagogıka ınstıtýtynda (1927-1928) jaýapty da jetekshi qyzmet atqardy. Jastaı saıasattyń ótinde júrip, otarshyldarmen kúresti.