SІM jyl basynan beri elge jarty mıllıard teńgege jýyq ınvestıtsııa tartqan
ASTANA. KAZINFORM – Syrtqy ister mınıstrliginiń resmı ókili Aıbek Smadııarovtyń aıtýynsha, jyl basynan beri Qazaqstanǵa ınvestıtsııa salyp jatqan elderdiń alǵashqy úshtigin atady.
«Jyl basynan sáýir aıyna deıin Syrtqy ister mınıstrliginiń Investıtsııalar komıteti 436,6 mlrd teńgeniń 29 ınvestıtsııalyq kelisimshartyn jasasty. Atalmysh kezeńde elicense.kz portaly arqyly ınvestıtsııalyq preferentsııalar berýge 86 ótinim kelip tústi. Sheteldik qatysý turǵysynan Reseı, Nıderland jáne Kıpr memleketteri usynylǵan», - dedi ol.
Resmı ókil óńdeý ónerkásibinde 12 kelisimshart, kólik jáne qoıma salasynda 6 kelisimshart, óner, oıyn-saýyq jáne demalys salasynda 4 kelisimshart, bilim berý jáne densaýlyq salasynda 2 kelisimshart jasalǵanyn atap ótti.
«Investıtsııalyq kelisimsharttardyń basym bóligine Astanada qol qoıylǵan – 16 kelisimshart. Odan basqa Shymkent qalasy (3 kelisimshart), Almaty oblysy (3 kelisimshart), Almaty qalasy men Jambyl oblysy (2 kelisimsharttan), basqa oblystarda bir-bir kelisimshart jasalǵan», - dedi Aıbek Smadııarov.
