SІM Úndistan men Pákistan arasyndaǵy jaǵdaıdyń shıelenisýine baılanysty málimdeme jasady
ASTANA. KAZINFORM – Qazaqstan Respýblıkasy Syrtqy ister mınıstrligi Úndistan Respýblıkasy men Pákistan Islam Respýblıkasy arasyndaǵy jaǵdaıdyń shıelenisýine baılanysty málimdeme jasady.
Qazaqstan Respýblıkasynyń Syrtqy ister mınıstrligi Úndistan Respýblıkasy men Pákistan Islam Respýblıkasy arasyndaǵy jaǵdaıdyń shıelenisýine baılanysty tereń alańdaýshylyq bildiredi.
— Barlyq múddeli tarapty odan ári shıeleniske jol bermeý úshin barynsha ustamdylyq kórsetýge shaqyramyz. Qazaqstan halyqaralyq jáne óńirlik qaqtyǵystardy halyqaralyq quqyq normalary men BUU Jarǵysynyń qaǵıdattaryna sáıkes tek saıası-dıplomatııalyq jolmen retteýdi jaqtaıdy, — delingen SІM málimdemesinde.
Syrtqy ister mınıstriniń birinshi orynbasary Aqan Rahmetýllın Úndistan men Pákistan aýmaǵyndaǵy Qazaqstan azamattaryn qaýipsiz jerge kóshirýge qatysty túsinik bergen edi.
Aıta ketelik Úndistannyń Pákistanǵa jasaǵan áýe shabýylynan qaza tapqandar sany 31 adamǵa jetken edi.