SІM Túrkııada jol apatynan qaza tapqan azamatqa qatysty aqparatqa túsinik berdi
ASTANA. KAZINFORM — Qazaqstan Respýblıkasynyń Syrtqy ister mınıstrligi Túrkııanyń Antalııa qalasynda jol-kólik oqıǵasynan qaza tapqan adamǵa qatysty túrik BAQ-ta taraǵan aqparatqa túsinik berdi.
— Túrik tarapynyń málimetine sáıkes, qaza tapqan adam Qyrǵyzstannyń azamaty, — dep habarlady QR SІM.
Buǵan deıin túrik BAQ-tary Antalııadaǵy týrıstik Belek jolynyń Serik aýdanynda jol apaty bolǵanyn jazǵan. IHA agenttiginiń dereginshe, taksı men velosıped soqtyǵysyp, velosıped tizgindegen 27 jastaǵy er adam alǵan jaraqattarynan qaza tapqan.
Oqıǵadan keıin birqatar jarııalanymdarda qaza tapqan adam Qazaqstan azamaty bolýy múmkin degen aqparat taraǵan.
Túrik polıtsııasy jol apatynyń mán-jaıyn anyqtaý úshin tergeý bastaǵany habarlandy.
Aıta keteıik, buǵan deıin Qazaqstan Respýblıkasynyń Syrtqy ister mınıstrligi 31 naýryzda Ystanbul qalasynyń Fatıh aýdanynda Qazaqstan azamaty qaza tapqany týraly aqparatty rastaǵan bolatyn.
