SІM Taıaý Shyǵystaǵy ahýalǵa baılanysty málimdeme jasady

ASTANA. KAZINFORM – Qazaqstan Respýblıkasy Syrtqy ister mınıstrliginiń Taıaý Shyǵystaǵy ahýaldyń kúrdelenýine baılanysty málimdeme jasady.

— AQSh-tyń Iranǵa qarsy sońǵy áskerı áreketteriniń nátıjesinde álemniń bizdiń bóliginde ornalasqan memleketterdiń qaýipsizdigi úshin qaterli saldary bar halyqaralyq jaǵdaıdyń kúrt nasharlaýy baıqalyp otyr. Qazaqstan Kaspıı mańy elderiniń tobyna kiredi jáne Iranmen túrli salalardaǵy yntymaqtastyqty damytýda. Memleketimiz barlyq kelispeýshilikterdi, onyń ishinde ıadrolyq máselelerdi BUU Jarǵysy negizinde kelissózder júrgizý arqyly sheshý qajet dep sanaıdy, — delingen habarlamada.

Mınıstrlik barlyq múddeli elderdi ıadrolyq qarýdyń taralýyna jol bermeý jáne halyqaralyq baqylaýmen taratpaý rejımin ustanatyn memleketterdiń qaýipsizdigine kepildikter berý maqsatynda kelisimdi jaqyn arada ázirleýge shaqyratynyn jazdy.

Eske sala keteıik, AQSh Irannyń ıadrolyq nysandaryna soqqy jasap, Tramp operatsııany sátti dep atady.

Artynsha Donald Tramp Irannyń ýran baıytý nysandaryn tolyqtaı joıǵanyn málimdedi.