SІM Taıaý Shyǵys óńirindegi qaýipti áskerı shıeleniske baılanysty málimdeme jasady
ASTANA. KAZINFORM — Qazaqstan Respýblıkasy Syrtqy ister mınıstrligi qaqtyǵysty BUU Jarǵysy men halyqaralyq quqyq normalaryna sáıkes tek saıası-dıplomatııalyq jolmen tez arada retteýdi quptaıdy.
— Qazaqstan Respýblıkasynyń Syrtqy ister mınıstrligi Taıaý Shyǵys óńirindegi qaýipti áskerı shıeleniske baılanysty óz alańdaýshylyǵyn bildiredi jáne qaqtyǵysty BUU Jarǵysy men halyqaralyq quqyq normalaryna sáıkes tek saıası-dıplomatııalyq jolmen tez arada retteýdi quptaıdy. Qatysýshy taraptardy barynsha ustamdy bolýǵa shaqyramyz, — delingen Qazaqstan Respýblıkasy Syrtqy ister mınıstrliginiń málimdemesinde.
Aıta ketelik Izraıl Iranǵa soqqy berip, áýe keńistigin jaýyp tastaǵan edi. AQSh Memlekettik hatshysy Izraıldiń Iranǵa qarsy jasaǵan soqqylaryn «birjaqty áreket» dep atap, oǵan Aq úıdiń qatysy joq ekenin málimdedi. Izraıldiń Iranǵa jasaǵan soqqysynan keıin munaı baǵasy kúrt kóterildi. Sondaı-aq Iran Izraılge 100-den astam dron jiberdi.