SІM soǵys aımaǵyndaǵy qazaqstandyqtardy elge qaıtarý boıynsha Reseımen kelissóz júrgizip jatyr
ASTANA. KAZINFORM – QR SІM buqaralyq aqparat quraldarynda Qazaqstan azamattarynyń Otanyna oralýǵa járdemdesýdi suraǵan ótinishteri taralyp jatqanyn málimdedi.
Vedomstvo bul jaǵdaıdy nazarda ustap otyrǵanyn da atap ótken. Qazaqstan azamattarynyń sheteldegi quqyqtary men bostandyqtaryn jáne zańdy múddelerin qorǵaý mınıstrlik qyzmetiniń sózsiz basymdyǵy bolyp sanalady.
- QR SІM álemniń túrli elderi men óńirlerindegi soǵys qımyldary bolyp jatqan aımaqtardan otandastarymyzdy qaıtarý boıynsha tájirıbe jınaqtaǵan.
Osyǵan baılanysty Qazaqstan azamattary týraly tolyq ári naqty aqparatty buqaralyq aqparat quraldary arqyly emes, olardyń ózderinen nemese týystarynan tikeleı alýdyń mańyzy erekshe. Birqatar otbasy mınıstrlikke kómek surap ótinishpen júginip úlgerdi.
Soǵys qımyldary júrip jatqan aımaqta júrgen qazaqstandyqtardyń týystarynan keletin ótinishterdi qabyldaý úshin mınıstrlikte arnaıy jedel jeli jumys isteıdi, - delingen habarlamada.
Sondaı-aq vedomstvo buqaralyq aqparat quraldarynan tıisti baılanys derekterin taratýǵa járdemdesýdi suraıdy. Azamattardy quqyqtyq qorǵaýmen qamtamasyz etý úshin mınıstrlikke tolyq aqparat, ıaǵnı olardyń tegi men aty-jóni, týǵan kúni, boljamdy ornalasqan jeri, sondaı-aq olar jasasqan eńbek sharttarynyń talaptary týraly málimetter qajet.
Qazaqstandyqtardy Otanyna qaıtarý jónindegi birlesken sharalardy ázirleý maqsatynda SІM Reseı tarapymen konsýltatsııalardy jalǵastyrýda.
Búgin Qazaqstan Respýblıkasynyń Syrtqy ister mınıstri Reseı Federatsııasynyń Qazaqstan Respýblıkasyndaǵy Ýaqytsha senimdi ókilimen kezdesti, - delingen vedomstvo taratqan aqparatta.
Jaqyn arada Qazaqstan Respýblıkasynyń Reseı Federatsııasyndaǵy Elshisi Reseı Syrtqy ister mınıstrliginiń jáne Qorǵanys mınıstrliginiń basshylyǵymen kezdesýler ótkizedi.
- Júrgizilip jatqan jumystyń barysy men nátıjeleri týraly qosymsha habarlaıtyn bolamyz, - dep jazdy SІM.
Soǵys qımyldary júrip jatqan aımaqta júrgen QR azamattaryna qatysty jedel jeliler
QR Syrtqy ister mınıstrliginiń Konsýldyq qyzmet departamenti:
+7 (7172) 72-05-00
QR-dyń Reseı Federatsııasyndaǵy Elshiligi:
+7 (925) 897-71-14
QR-dyń Astrahan qalasyndaǵy Bas konsýldyǵy:
+7 (906) 177-70-88
QR-dyń Qazan qalasyndaǵy Bas konsýldyǵy:
+7 (905) 020-30-42
+7 (843) 202 05 92
QR-dyń Omby qalasyndaǵy Bas konsýldyǵy:
+7 (968) 100-73-06
QR-dyń Ekaterınbýrg qalasyndaǵy Bas konsýldyǵy:
+7 (939) 919-76-33
QR-dyń Sankt-Peterbýrg qalasyndaǵy Bas konsýldyǵy:
+7 (981) 916-25-12
+7 (921)-188-90-60
