SІM Slovakııada Qazaqstannyń tórt azamaty ustalǵanyn rastady
ASTANA. KAZINFORM — QR Syrtqy ister mınıstrligi Slovakııada Qazaqstannyń tórt azamaty ustalǵanyn rastady.
Vedomstvo Kazinform saýalyna bergen jaýabynda atalǵan jaǵdaıdan habardar ekenin málimdedi.
— Ustalǵan azamattarǵa konsýldyq-quqyqtyq kómek kórsetilip jatyr. Olardyń týystarymen baılanys ornatyldy. Bul jaǵdaı Syrtqy ister mınıstrliginiń baqylaýynda, — delingen resmı jaýapta.
Buǵan deıin Syrtqy ister mınıstrligi shetelde qıyndyqqa tap bolǵan qazaqstandyqtardyń kóbeıgenin habarlap, azamattardy sapar aldynda baratyn eldiń zańnamasy men kóshi-qon talaptaryn muqııat zerdeleýge shaqyrǵan edi.